रामचंद्र साबळे यांचा हवामान अंदाज: राज्यात जोरदार पावसाचा अलर्ट आणि चक्रीवादळाची ताजी माहिती
Ads
×
कॉल करा
₹ किंमत पहा
खरेदी करा
आज आणि उद्या (१९ व २० ऑक्टोबर): पावसाची शक्यता
रामचंद्र साबळे यांच्या अंदाजानुसार, आज आणि उद्या (१९ व २० ऑक्टोबर) महाराष्ट्रावरील हवेचा दाब १००६ हेप्टापास्कलपर्यंत कमी राहील. यामुळे सर्व जिल्ह्यांमध्ये हवामान ढगाळ राहील आणि जेथे हवेचा दाब कमी असेल तेथे मोठ्या प्रमाणात ढग जमा होऊन पावसाची शक्यता निर्माण होईल. हिंदी महासागर आणि बंगालच्या उपसागराच्या पाण्याचे तापमान ३० अंश सेल्सिअसपर्यंत वाढले असल्याने मोठ्या प्रमाणात बाष्पनिर्मिती सुरू आहे. ढगांचा मोठा समूह या भागांवरून दक्षिण भारताच्या दिशेने येत आहे. महाराष्ट्रावरील हवेच्या कमी दाबाच्या क्षेत्रात ढग जमा झाल्याने पावसाची शक्यता वाढली आहे.
‘ला-निना’चा परिणाम आणि हलक्या ते मध्यम पावसाची शक्यता
प्रशांत महासागराच्या पाण्याच्या पृष्ठभागाचे तापमान अतिथंड झाले आहे (पेरूजवळ केवळ १४ अंश सेल्सिअस, इक्वेडोरजवळ २१ अंश सेल्सिअस). यामुळे तेथे हवेच्या दाबात वाढ झाली आहे. वारे पूर्वेकडून पश्चिमेकडे वाहत असल्याने दक्षिण भारतावर मोठ्या प्रमाणात ढग जमा होत आहेत. ‘ला-निना’च्या परिणामामुळे महाराष्ट्रातील सर्वच जिल्ह्यांत आज आणि उद्या हलक्या ते मध्यम पावसाची शक्यता राहील, असे डॉ. रामचंद्र साबळे यांनी स्पष्ट केले आहे.
Ads
×
कॉल करा
₹ किंमत पहा
खरेदी करा
दिवाळीत पाऊस ?
Ads
×
कॉल करा
₹ किंमत पहा
खरेदी करा
मंगळवार ते शनिवार (२१ ते २५ ऑक्टोबर) या काळात हवेच्या दाबात वाढ होऊन तो १०१० हेप्टापास्कलपर्यंत जाईल. यामुळे वाऱ्याला प्रतिबंध होऊन दिवाळीच्या काळात पावसाची शक्यता कमी राहील, असा अंदाज साबळे यांनी व्यक्त केला आहे.
चक्रीवादळाची ताजी अपडेट
आज (१९ ऑक्टोबर) विषुववृत्तीय भागात चक्रीवादळाची निर्मिती होत असून, ते वादळ अरबी समुद्रातून ओमानच्या दिशेने गुरुवार, २३ ऑक्टोबरपर्यंत पुढे सरकेल.
नोव्हेंबरपर्यंत हवामान बदलाचे परिणाम आणि तीव्र थंडीचा अंदाज
हवामान बदलाचे परिणाम दिवसेंदिवस वाढत असून, या वर्षी हिमालयात अधिक बर्फवृष्टी होण्याची शक्यता आहे. तसेच महाराष्ट्रातही थंडीचा कालावधी वाढण्याची शक्यता आहे. १५ नोव्हेंबर ते १५ जानेवारी या दरम्यान अतितीव्र थंड हवामान अनुभवायला मिळेल. याच काळात अरबी समुद्रात चक्राकार वारे वाहतील, अशी माहिती साबळे यांनी दिली आहे. हवामानातील हे बदलाचे परिणाम नोव्हेंबरपर्यंत जाणवतील, असा त्यांचा अंदाज आहे.
