पुढील 3-4 दिवस या जिल्ह्यात जोरदार – तोडकर हवामान अंदाज
Ads
×
कॉल करा
₹ किंमत पहा
खरेदी करा
तोडकर हवामान अंदाजानुसार, महाराष्ट्रात 21 ऑक्टोबर (उद्या) पासून वातावरणात बदल होऊन 23, 24, आणि 25 ऑक्टोबर या काळात जोरदार पावसाची शक्यता आहे. 21 आणि 22 ऑक्टोबर रोजी मराठवाडा, विदर्भ आणि पश्चिम महाराष्ट्रात वातावरण बिघडायला सुरुवात होईल.
मराठवाड्यातील छत्रपती संभाजीनगर, जालना, बीड यांसह विदर्भातील अकोला आणि बुलढाणा, अहिल्यानगर परिसरात हलका ते मध्यम पाऊस अपेक्षित आहे. हा पाऊस फार मोठ्या व्याप्तीचा नसला तरी, काही भागांत जोरदार सरींची शक्यता आहे असा अंदाज तोडकर यांनी दिलाय…
Ads
×
कॉल करा
₹ किंमत पहा
खरेदी करा
मुख्यतः 23 ऑक्टोबर (गुरुवार) पासून पावसाचा जोर वाढेल. या काळात दक्षिण महाराष्ट्र आणि पश्चिम महाराष्ट्रातील पुणे, बारामती, सांगली, सोलापूर, कोल्हापूर, सातारा या भागांमध्ये मेघगर्जनेसह (विजांच्या कडकडाटासह) मध्यम ते मुसळधार पाऊस पडेल. तसेच मराठवाड्यात नांदेड, परभणी, जालना, धाराशिव (उस्मानाबाद), बीड आणि लातूर या जिल्ह्यांमध्येही पावसाची चांगली शक्यता आहे. या पावसामुळे हळद आणि तूर यांसारख्या पिकांना मोठा दिलासा मिळेल. (तोडकर हवामान अंदाज)
Ads
×
कॉल करा
₹ किंमत पहा
खरेदी करा
या व्यतिरिक्त, विदर्भ आणि खानदेशातील चंद्रपूर, यवतमाळ, गोंदिया, वाशिम, हिंगोली, बुलढाणा, जळगाव आणि धुळे या जिल्ह्यांमध्येही या पावसाचा परिणाम दिसेल, परंतु त्याची व्याप्ती कमी-अधिक प्रमाणात राहील. अनेक ठिकाणी पाणी मागत असलेल्या पिकांसाठी हा पाऊस उपयुक्त ठरेल. मात्र, दक्षिण महाराष्ट्र आणि पुणे सर्कलमध्ये पावसाचा जोर जास्त राहिल्यास, काढणीला आलेल्या पिकांचे काही ठिकाणी (10-20% भागांत) नुकसान होण्याचीही शक्यता आहे.
शेतकऱ्यांसाठी सूचना आहे की, मराठवाडा, दक्षिण महाराष्ट्र आणि पश्चिम विदर्भातील ज्या शेतकऱ्यांचा कापूस किंवा इतर काढणीचे पीक शेतात आहे, त्यांनी 22 ऑक्टोबरपर्यंत आवश्यक ती कामे पूर्ण करून घ्यावीत. 23 ते 25 ऑक्टोबर दरम्यानचा हा पाऊस एकाच दिवशी न होता, या तीन दिवसांच्या काळात टप्प्याटप्प्याने अपेक्षित आहे असेही तोडकर यांनी सांगितले…
